दिल्ली, 9 फरवरी 2022
सुदूरपश्चिमेली नेपाली समाज भारतको दोस्रो महाधिवेशन सम्पन्न भएको छ । आइतबार ‘सुदूरपश्चिमका लागि सुदूरपश्चिमेली’ भने मूल नाराका साथ समाजको दोस्रो महाधिवेशन सम्पन्न भएको हो । सुदूरपश्चिमेली नेपाली समाज भारतका अध्यक्ष दीपक प्रकाश मल्लको सभापतित्वमा भएको अधिवेशन कार्यक्रममा प्रमुख अतिथि सुदूर-पश्चिमेली नेपाली समाज अन्तर्राष्ट्रिय समितिका दिर्तिय उपाध्यक्ष रामचन्द्र ओझा रहेका थिए । कार्यक्रममा सुदूरपश्चिमेली नेपाली समाज अन्तर्राष्ट्रिय समितिका द. एसिया संयोजक दिनेश खड्का ‘खप्तडि’, सुदूरपश्चिमेली नेपाली समाज मलेसियाका अध्यक्ष तुलाराम धामी र सुदूरपश्चिमेली नेपाली समाज साउदी अरेबियाका वरिष्ठ उपाध्यक्ष पदम महतको सहभागिता रहेको थियो । यस्तै सुदूरपश्चिमेली नेपाली समाज साउदी अरेबियाका कोषाध्यक्ष राम बहादुर रोकाया,सुदूरपश्चिमेली नेपाली समाज मलेसियाका संरक्षक समीर मल्ल, सुदूरपश्चिमेली नेपाली समाज साईप्रस का अध्यक्ष डम्बर बहादुर खड्का र भारतमा क्रियाशील संघ संस्था लगायत विभिन्न देशबाट समाजको प्रतिनिधित्व गर्दै अतिथिको सहभागी भएका थिए । यस्तै आइतबार भर्चुअल मार्फत भएको महाधिवेशनले कटक बहादुर बिष्टको अध्यक्षतामा ३५ सदस्यीय नयाँ कार्यसमिति सर्वसम्मत चयन गरेको छ । जसमा वरिष्ठ उपाध्यक्षमा दीपक खड्का, प्रथम उपाध्यक्षमा मान ब साउद, दितीय उपाध्यक्षमा बल बहादुर जयगडी, महासचिवमा महादेव भट्ट, सचिव कविराज पाण्डेय, कोषाध्यक्षमा वासुदेव जोशी, सह कोषाध्यक्षमा हर्क रावत रहेका छन् । यसै गरी महिला संयोजकमा अमृता ढकाल रावल, भारत उत्तर संयोजकमा दीपक धमला, सह(संयोजकमा केशव दत्त भट्ट, भारत पश्चिम संयोजकमा डिल्ली राज जोशी, सह-संयोजकमा पदम साउद, भारत दक्षिण संयोजकमा हर्क देउवा, सह संयोजकमा धिरज विष्ट, सदस्य तथा खेलकुद विभागमा जनक ढुङ्गाना चयन भएका छन् । यस्तै तिन सदस्यीय सल्लाहकार समिति पनि गठन गरिएको छ । वरिष्ठ सल्लाहकार मोहन वीर साउद, सल्लाहकार क्रमशः चन्द्र कुँवर, नागेन्द्र जोशीलाई चयन गरिएको छ । भने महिला संयोजक र दुई जना सदस्य कार्यसमितिको पहिलो बैठकले मनोनीत गर्नेछ ।
