नयाँ दिल्ली, 1 सेप्टेम्बर 2020
रोजगरीको सिलसिलामा भारत आएर २३ वर्षदेखि सम्पर्कविहीन भएका अर्घाखाँची जिल्लाको ढिकुरा गाविसका निवासी जिवलाल घिमिरेको खोजीमा अहिले पनि परिवार थाकेको छैन । उनि सम्पर्कविहीन भएको यतिका वर्ष भएपनि परिवारलाई भने उनि सम्पर्कमा आउने विश्वास हराएको छैन ।
माथिको तस्वीरमा देखिनु भएका जिवलाल घिमिरेको यो 23 वर्षअघिको तस्वीर हो । उहाँ रोजगारीको सिलसिलामा भारतको उत्तराखण्ड राज्यको देहरादून आएका बेला सम्पर्कविहीन हुनु भएको थियो । अर्घाखाँची ढिकुरा गवदेका रेवती प्रसाद घिमिरेको साथमा जिवलाल देहरादून आउनु भएको थियो । देहरादूनमा सँगै बस्ने गरेका जिवलाल रेवती प्रसाद घिमिरे ड्यूटी गएका बेला सम्पर्कविहीन भएको जनाइएको छ । जिवलालसँग अहिलेसम्म कुनै सम्पर्क नभएकाले परिवारजनले उनको खोजीको अभियान निरन्तर चलाइरहेको छ ।
नेशनल लाईभको लोकप्रियता हेरेर उनिहरुलाई बेपत्ता भएका आफ्ना परिवारको सदस्य फेला पर्ने आशा पलाएको छ । तस्वीरमा देखिएका व्यक्तिको अनुहारमा अहिले केही फेरबदल भएको हुन सक्ने भएपनि मूल बनावट उस्तै हुने भएकाले उनको बारेमा जानकारी पाउनेले नेपालमा राजन घिमिरेको मोबाइल नम्बर +977-9857070900, भारतमा विशाल शर्माको 0091-8383918008 र नेशनल लाइवका सम्पादक गोविन्द पाख्रेलको मोबाइल नम्बर +911-9910299044 मा सम्पर्क गरिदिन आग्रह गरिएको छ ।
भारतमा रहेका नेपालीहरुको समस्या र उनिहरुमाथि हुने अन्यायविरुद्ध आवाज बनेर उदय भएको नेशनल लाईभ टीभी अहिले भारतभर रहेका नेपाली र गोर्खाहरु माझ पुगिरहेको छ । उनिहरुका समस्यालाई उठान गर्ने माध्यमका रुपमा उदाएको यो च्यानल मार्फत अहिले मानिसहरुमा आफ्नो समस्याको समाधान निस्कने आशा पलाएको छ । त्यसैले त पुराना पुराना मुद्धाहरु पनि समाधान हुन्छ कि भन्ने आशाले हामीहरुसँग वर्षौदेखि सम्पर्कविहीन भएका मानिसहरुको खोजीका लागि आग्रह भइरहेका छन ।
