कैलाली, 3 अप्रेल/ हिम शाह
धनगढीस्थित माया मेट्रो अस्पतालको सघन उपचार कक्ष आईसीयू-मा उपचार गराईरहेका एक जनाको मृत्यु भएको छ। उपचारार्थ भारतीय नागरिकको आज बिहान मृत्यु भएको अस्पताल प्रशासनले जनाएको छ। कञ्चनपुरकोे झलारीमा रहेको आरसीटी एग्रो मेसिनरी कम्पनीमा काम गर्दै आएका ती भारतीयको उपचारका क्रममा मृत्यु भएको हो।
अस्पतालले उच्च ज्वरो, निमोनिया र सुगरको समस्या देखिएपछी उनलाई आईसीयू-मा भर्ना गरिएको बताएको छ। एक दिनसम्म सेती अस्पतालमै भर्ना गरिएका उनको अवस्था गम्भीर भएपछि चिकित्सकहरुले आईसीयू-मा राख्नुपर्ने सुझाएका थिए। सेती प्रादेशिक अस्पतालमा आईसीयू खाली नरहेकाले उनलाई माया मेट्रो अस्पतालमा भर्ना गरिएको बताईएको छ।
मृतकमा कोरोना भाईरसको लक्षण देखिएकाले उनको थ्रोट स्वाब संकलन गरी परीक्षण गरिने बताईएको छ।
