हिमाचल, 1 अगस्त 2020
भारतको हिमाचल प्रदेश अन्तरगत कुल्लुमा बेवारिसे अवस्थामा 2 जना नेपालीहरु भेटिएका छन । लकडाउनका कारण अलपत्र भएर भोकै रहन बाध्य भएका 2 जनालाई मुल प्रवाह अखिल भारत नेपाली एकता समाज, कूल्लु मनाली समितिले उद्धार गरेको छ । जानकारी अनुसार 2 जना मध्ये एकजना विरामी भएको अवस्थामा भेटिएकाले उनलाई सरकारी अस्पतालमा भर्ना गरिएको छ । कुल्लुको मनिकरण गुरुद्वारामा लामो समयदेखि काम गर्दै पेट पालिरहेका गणेश ठाकुर नाम बताउने भीम बहादुरलाई लकडाउनका क्रममा कामबाट हटाएपछि भौतारिरहेको र काम गर्ने स्थितिमा नरहेपछि बेरोजगार भएका तनहुँका तेजबहादुरलाई मूल प्रवाह, कुल्लु मनाली समितिका अध्यक्ष साइला लामा, सचिव तुलाराम बुढा, उपाध्यक्ष रतनलाल पुन लगायत सदस्यहरु मुस्कान क्षेत्री, कमला शाही, सुनिता बस्नेत, किरण शाही र रवि पुन मगर लगायतको पहलमा उद्धार गरिएको हो ।
मूल प्रवाहका अनुसार नेपालको सल्यान जिल्लाको लेखपोखरा घर बताउने 60 वर्षका गणेश ठाकुर नाम बताउने भिम बहादुर पतलीकुल सार्वजनिक पार्कमा वेवारीसे र विरामी अवस्थामा भेटिएका हुन । मूल प्रवाह कुल्लह मनालीले खर्च व्योहेर्ने गरि उनलाई मिसन अस्पताल मनालीमा उपचारको लागि भर्ना गरिएको छ । अहिलेसम्म अविवाहित रहेका गणेश ठाकुर गुरुद्वारामा काम गर्ने गर्दथे भने उनले नेपालमा दिदी मिना भण्डारी र भिनाजु कुमार भण्डारी रहेको भन्दै नेपाल जान चाहेको बताएका छन ।
अर्कोतर्फ लौरकबेसी, डाडागाँउ, तनँहुका स्थायी बासिन्दा तेजबहादुर भने उमेर छिप्पिएका कारण काम गर्न नसकेपछि कुल्लु मनालीमा अलपत्र परेका थिए । उनलाई पनि मूल प्रवाहले उद्धार गरेको छ । घरमा श्रीमति र ठूला-ठूला छोराछोरी रहेका उनि पनि वर्षौदेखि घर नगएको बताउँछन । उनले आफ्नो प्रकाश नाम गरेका 41 वर्षका जेठो छोरो, 38 वर्षका काऩ्छो छोरो र 35 वर्षकी छोरी रहेको बताएका छन ।
उनिहरुले नेपाल फर्काइदिन आग्रह समेत गरेका छन ।
