नयाँ दिल्ली, 19 जुन 2020
दिल्ली विश्वविद्यालयमा अध्ययनरत नेपाली विद्यार्थीहरुको संगठन नेपाली विद्यार्थी संगठन दिल्ली विश्वविद्यालयले आयोजना गरेको अनलाईन निबन्ध लेखन प्रतियोगिता आलाप सम्पन्न भएको छ । बीपी कोइराला प्रतिष्ठान, नेपाली दूतावासको सह-आयोजनामा गरिएको प्रतियोगिताको नेपाल स्थायी लक्ष्य हासील गर्दै भन्ने शिर्षकमा दिल्ली टेक्नोलोजिकल विश्वविद्यालयकी अनुष्का लाल प्रथम हुनु भएको छ।
दिल्ली विश्वविद्यालयको अर्थशास्त्रमा बीए गरिरहेका स्वच्छन्द पाण्डे द्वितीय हुनुभएको छ ।
त्यसैगरि ओभर द टप मिडीया भर्सेज नोवेल शिर्षकमा जवाहरलाल नेहरु विश्वविद्यालयमा अध्ययनरत सुशान्त थापा प्रथम हुनु भएको छ।
दिल्ली विश्वविद्यालयमा अध्ययनरत अनुष्का शाह द्वितिय हुनु भएको छ ।
प्रतियोगीहरुलाई मेलका माध्यमले आ-आफ्नो निवन्ध पठाउन भनिएको थियो । यसक्रममा ठूलो संख्यामा दिल्ली-एनसीआरमा अध्ययनरत नेपाली विद्यार्थीहरुले अनलाईन निवन्ध पठाएका थिए । रेनु महतले नेतृत्व गरेको यस कार्यक्रमको उप-प्रमुख संगीता महत रहेकी थिइन । नेपाली विद्यार्थी संगठन दिल्ली विश्वविद्यालयले यसअघि पनि कयौं पटक विभिन्न शिर्षकहरुमा नेपाल-भारतको बिच कार्यक्रम गर्दै आएको छ । नेशनल लाईव टीभी यस कार्यक्रमको मिडीया पार्टनर रहेको थियो ।
